Fitaizana sy baiko

Xena - Amstaff

 ASA

XENA & TEE 

Tel: 034.01.117.99    

Ao izahay no mitsabo sy manara-maso ny alikanay

IREO ALIKA MAPIDI-DOZA

Voatsikera foana tato ato ny alika, indrindra fa ny "chien de race" na eto an-toerana izany na any ivelany, ary misy aza lasa voarara mihintsy ny fananana azy any amin'ny firenen-kafa. Voatonona avokoa na Berger Allemand, Boerboel, Rottweiller, Dogue Allemand, Amstaff indrindra fa ny Pitbull!

Zava-misy anefa izany saingy hafa ny fandraisan'ny olona azy rehefa ny haino aman-jery no manaparitaka azy! Ho an'izy ireo mantsy dia mahasarika olona kokoa ary  tena mahazo ny 1ère page mihintsy ny lohateny toy ny hoe " Doberman nanaikitra zazakely teo amin'ny tendany", ary apetrak'izy ireo any amin'ny rubrique insolite fotsiny kosa ny lohateny toy  ny hoe " Pitbull nanavotr'olona tao anaty trano nirodana" ohatra! Ny vokany, raha Dogue Argentin iray no nanaikitr'olona dia ny Dogue Argentin rehetra no ratsy!

Raha jerena tokoa anefa ny zava-misy, indrindra ho an-tsika eto Madagasikara dia ny "Chien de race" no tena voafehy tsara sy tsy mampidi-doza mihintsy, satria: Lafo vidy izy ireny ka tsy foin'ny tompony handehandeha eraky ny tanana, tena fitiavana koa no hananana azy fa tsy haitraitra, ary tena vonona ny hikarakara izay tompony na ara-pahasalamana io na ara-tsakafo na ara-pitaizana! Raha manontany kosa momban'ny ratra vokatry ny kaikitry ny alika eny amin'ireny toeram-pitsaboana ireny anefa isika dia ny alika mpirenireny, tsy fantam-piaviana no betsaka! Mahagaga anefa fa vitsy amin'ireny tranga ireny no mba tanterin'ny mpanao gazety

Eto Madagasikara aloha dia tsy ny "Chien de race" mihintsy no loha-laharana amin'ny biby mampidi-doza eto, ka hoe mila handraisana andraikitra na fepetra goavana. Ny tena ilana fepetra voalohany dia momban'ny tompon'ireny alika mpirenireny eraky ny arabe ireny (Ny kaikitra mety ataony na koa ny fanariana ny fatiny etsy sy eroa), Ao koa ireo tompon'omby mifanenjika amin'ny ombiny ety an-tanadehibe (firifiry moa ny fiara na olona efa voaoton'izy ireny?) eny fa na dia ny fivarotana henam-biby tsy voara-maso aza dia mbola mahatonga ny biby hampidi-doza ihany na dia efa maty aza, izany dia mazava tsara fa andraikitra fenon'ny tompony

Ny biby rehetra dia mety hampidid-doza avokoa, na inona io na inona, ary izany dia andraikitra fenon'ny tompony . Noho izany, raha manana biby ianao, indrindra fa alika dia tsy maintsy ataonao ny fanaraha-maso azy indrindra fa ny ara-pahasalamana, ary koa ny fitaizana sy fifehezana mba tsy ho loza mitatao ho anao sy ho an'ny manodidina ny fanananao alika.

Ny alika mpirenireny tahakan'izao sy izay tompony no tokony handraisana fepetra hentitra.

Na dia eny antanan-dehibe aza dia mbola ahitana alika mirenireny tahakan'izao....

....ary toy izany koa ny fatin'alika etsy sy eroa!

PASSEZ VOS PETITES ANNONCES GRATUITES ICI (VENTE, ACHAT, SAILLIE, PERDU/TROUVE........)

NB : chargez vos photos au http://imageshack.us, cliquez sur parcourir, insérez une image à partir de votre ordinateur. Ensuite cliquez sur ‘Host it’. Des codes Html et des liens apparaissent. Choisissez ‘Show image to friends’, (commencant par ‘http’) copiez le lien et collez sur l’Url de l’annonce

IREO FEPETRA TSY MAINTSY RAISINA RAHA MANANA ALIKA

1) Vao tonga ao aminao ilay alika mandra-pahafatiny dia tompon'andraikitra feno amin'izay rehetra ataony ianao tompony.

2) Tsy maintsy fefenao tsy handeha any amin'ny faritra tsy anao ny alikanao fa raha misy mahazo azy any (voahitsaky ny fiara, misy midaroka, na mihinanan poizina sns..) dia tsy misy na iza na iza azonao tazomina, kanefa kosa raha manimba zavatr'olona, na mandratra olona sns kosa izy dia tompon'andraikitra feno ianao!

3) Raha mitondra ny alikanao mandehandeha ianao, indrindra fa raha eny an-dalambe dia tsy maintsy asianao tady mahazaka (laisse), fehitenda misy ny anarany sy ny numero telephone-nao ary muselière (arakarak'ilay toerana), ary tokony entinao na ataonao mora raisina ny carnet de vaccination-ny

4) Aza avela mihintsy ny alika hiaraka irery amin'ny ankizy kely, na antitra na olona misy fahalemena na miaraka amin'ny vahiny, na alika inona io na inona!

5) Aza atao tsirambina ny  fitandrovana ny fahasalamany, indrindra ny vakisiny. Ary tadidio fa ny vakisiny miaro amin'ny haromontana dia takian'ny lalana ary mila haverina isaky ny 2 taona fara-faha elany!

6) Raha mitondra alika ao anaty fiara ianao dia asio aro-loza mba tsy haneingelenany anao tampoka ka hitera-doza (fatorana, na asiana fefy manasaraka ny mpamily sy ny alika na misy olona iray tena afaka ny mitazona azy tsara

7) Aza avela hikasika ny alikanao ny olona tsy fantatra raha tsy miera aminao, indrindra fa ny ankizy kely

8) Rehefa maty ny alikanao dia aleveno lalina fa aza aririana ivelan'ny tany, ary diovy amin'ny fanafody ny faritra misy anao raha toa ka aretina no nahafaty azy, indrindra fa ny parvovirose sy ny haromontana

9) Ny Fitaizana dia tsy maintsy atomboka raha vao tonga ao aminao ny alika ary tsy tokony hatsahatra mandrapahafatiny, ny dressage kosa dia safidy

10) Ny fampianarana 'attaque' dia tsy kilalao, ka tsy maintsy hilana manam-pahaizana manokana momban'izany.

Oceane - Dogue Allemand merle